Preséntase a ferramenta informática Xacobea nun evento sobre a produción láctea en Madrid
A directora xeral Gandaría, Agricultura e Industrias Agroalimentarias, Belén do Campo, asiste en Madrid á Xornada sobre custes e marxes de produción no sector vacún de leite, organizada polo Ministerio de Agricultura, Alimentación e Medio Ambiente (Magrama). Nesta xornada preséntanse distintos índices que existen actualmente para a referenciación do prezo do leite de vacún, cando as partes contratantes acorden que sexa variable.
Neste evento persoal técnico do Fondo Galego de Garantía Agraria (FOGGA) presentará a Ferramenta informática Xacobea que a Consellería do Medio Rural pon a disposición do sector lácteo de vacún. Esta ferramenta pode ser empregada polas partes asinantes dos contratos lácteos de vacún cando decidan que o prezo a pagar se calcule tendo en conta a evolución actual dos prezos dos produtos lácteos industriais (commodities) no mercado, ofrecendo a posibilidade de compensar simultaneamente en función da evolución dos custos de produción.
Todos os parámetros desta ferramenta informática Xacobea son libremente configurables, para que as partes negociadoras decidan o peso que se lle dá a cada un deles. A ferramenta proporciona, en función dos parámetros seleccionados, un “índice á carta” ao que referenciarse á hora de establecer un prezo do leite no contrato a asinar.
Para acceder a Xacobea hai que dirixirse á páxina web do Observatorio do sector lácteo de Galicia (OLGA) da Consellería de Medio Rural, á parte de referenciación dos contratos e cumprimentar os datos do contrato a asinar. Despois a propia ferramenta permitirá imprimir un documento coas condicións de contratación seleccionadas para anexar ao contrato.
Neste evento persoal técnico do Fondo Galego de Garantía Agraria (FOGGA) presentará a Ferramenta informática Xacobea que a Consellería do Medio Rural pon a disposición do sector lácteo de vacún. Esta ferramenta pode ser empregada polas partes asinantes dos contratos lácteos de vacún cando decidan que o prezo a pagar se calcule tendo en conta a evolución actual dos prezos dos produtos lácteos industriais (commodities) no mercado, ofrecendo a posibilidade de compensar simultaneamente en función da evolución dos custos de produción.
Todos os parámetros desta ferramenta informática Xacobea son libremente configurables, para que as partes negociadoras decidan o peso que se lle dá a cada un deles. A ferramenta proporciona, en función dos parámetros seleccionados, un “índice á carta” ao que referenciarse á hora de establecer un prezo do leite no contrato a asinar.
Para acceder a Xacobea hai que dirixirse á páxina web do Observatorio do sector lácteo de Galicia (OLGA) da Consellería de Medio Rural, á parte de referenciación dos contratos e cumprimentar os datos do contrato a asinar. Despois a propia ferramenta permitirá imprimir un documento coas condicións de contratación seleccionadas para anexar ao contrato.
Gabinete de Comunicación da Xunta de Galicia