O Parlamento insta á Xunta a elaborar unha nova lei do xogo de Galicia que renove a normativa en vigor
A viceportavoz do Grupo Popular, Paula Prado, manifestou que o sector do xogo “sufriu numerosos cambios nos últimos anos derivados da súa progresiva implantación e xeneralización en todos os ámbitos da sociedade, o que supón por parte da administración un maior control dos perigos e os riscos derivados dun abuso ou dun exercicio incontrolado do xogo”.
En concreto, Prado referiuse aos avances tecnolóxicos que xeraron novos produtos de xogo ou a proliferación nos últimos anos en Galicia de máquinas de apostas en locais de hostalería, as tendas de apostas e os salóns de xogo. Deste xeito, considerou que “a modificación da actual normativa de xogo pasa por actualizar e concretar o contido da vixente Lei de 1985 en aspectos en que a experiencia dos últimos anos amosou importantes carencias e dificultades na súa interpretación”.
Paula Prado indicou que a nova normativa podería “abordar aspectos como a publicidade no eido competencial da Comunidade galega, a regulación e a contía das fianzas que deben prestar as empresas ou modificacións no réxime sancionador co obxecto de mellorar a protección dos e das menores e do colectivo de persoas ludópatas”.
“Pode ser unha oportunidade tamén para introducir maiores controis nos accesos aos locais de xogo; actualizar a normativa en relación coas esixencias da unidade de mercado; axustar os procedementos e a documentación necesaria ás novas tecnoloxías e a tramitación electrónica; e dotar de maior seguridade xurídica aos operadores de xogo, establecendo regras transparentes e de uniforme aplicación”, engadiu.
A viceportavoz popular avogou porque “na elaboración e tramitación deste texto normativo se procure o maior consenso posible entre todos os sectores afectados, tendo en conta a postura das empresas de xogo, xunto coas persoas consumidoras e usuarias e os colectivos de persoas afectadas por ludopatía”. “A prioridade será protexer os intereses de carácter público que conflúen nas actividades de xogo, en especial, a protección dos menores e outros grupos vulnerables, a prevención da adicción ao xogo e outros riscos relacionados”, dixo.
Na súa intervención, Prado amosou unha “preocupación especial pola ludopatía”, avanzando que “pretendemos a regulación da publicidade en Galicia para protexer aos menores e sensibilizar á mocidade eliminando calquera posibilidade de uso de técnicas de incitación ao xogo en relación cos sectores da poboación máis vulnerables”.
“Desde a Xunta xa se teñen intensificado os controis, con absoluta rixidez na interpretación das normas con respecto ao acceso de menores a recintos de xogo e a práctica de apostas, tramitando cantos expedientes sancionadores sexan necesarios para concienciar ao sector e ao poboación en xeral da necesidade de practicar un xogo responsable”.
En concreto, Prado referiuse aos avances tecnolóxicos que xeraron novos produtos de xogo ou a proliferación nos últimos anos en Galicia de máquinas de apostas en locais de hostalería, as tendas de apostas e os salóns de xogo. Deste xeito, considerou que “a modificación da actual normativa de xogo pasa por actualizar e concretar o contido da vixente Lei de 1985 en aspectos en que a experiencia dos últimos anos amosou importantes carencias e dificultades na súa interpretación”.
Paula Prado indicou que a nova normativa podería “abordar aspectos como a publicidade no eido competencial da Comunidade galega, a regulación e a contía das fianzas que deben prestar as empresas ou modificacións no réxime sancionador co obxecto de mellorar a protección dos e das menores e do colectivo de persoas ludópatas”.
“Pode ser unha oportunidade tamén para introducir maiores controis nos accesos aos locais de xogo; actualizar a normativa en relación coas esixencias da unidade de mercado; axustar os procedementos e a documentación necesaria ás novas tecnoloxías e a tramitación electrónica; e dotar de maior seguridade xurídica aos operadores de xogo, establecendo regras transparentes e de uniforme aplicación”, engadiu.
A viceportavoz popular avogou porque “na elaboración e tramitación deste texto normativo se procure o maior consenso posible entre todos os sectores afectados, tendo en conta a postura das empresas de xogo, xunto coas persoas consumidoras e usuarias e os colectivos de persoas afectadas por ludopatía”. “A prioridade será protexer os intereses de carácter público que conflúen nas actividades de xogo, en especial, a protección dos menores e outros grupos vulnerables, a prevención da adicción ao xogo e outros riscos relacionados”, dixo.
Na súa intervención, Prado amosou unha “preocupación especial pola ludopatía”, avanzando que “pretendemos a regulación da publicidade en Galicia para protexer aos menores e sensibilizar á mocidade eliminando calquera posibilidade de uso de técnicas de incitación ao xogo en relación cos sectores da poboación máis vulnerables”.
“Desde a Xunta xa se teñen intensificado os controis, con absoluta rixidez na interpretación das normas con respecto ao acceso de menores a recintos de xogo e a práctica de apostas, tramitando cantos expedientes sancionadores sexan necesarios para concienciar ao sector e ao poboación en xeral da necesidade de practicar un xogo responsable”.
Gabinete de Comunicación do PPdeG