Galicia e o norte de Portugal destacan as oportunidades do período orzamentario da UE
O vicepresidente da Xunta, Alfonso Rueda, destacou as “oportunidades de futuro” que ofrece o novo período orzamentario da Unión Europea para a cooperación transfronteiriza entre Galicia e o norte de Portugal.
Rueda fixo estas declaracións despois dunha nova reunión do proxecto de emerxencias transfronteirizo, Ariem 112, no que tamén participou o presidente da Comissão de Coordenação e Desenvolvimento Regional do Norte (CCDR-N), Emídio Gomes.
Ambos destacaron a modélica cooperación transfronteiriza entre Galicia e a rexión norte de Portugal, que se ten convertido nun referente a nivel europeo e que ano tras ano reverte no beneficio dos cidadáns de ambos os dous lados da fronteira.
Precisamente, Gomes aproveitou o encontro para facer un balance da situación da cooperación entre Galicia e o norte de Portugal , con abundantes proxectos conxuntos con aplicación práctica na realidade e na sociedade galega e portuguesa. É o caso do Ariem 112, un proxecto para compartir os recursos de emerxencias e crear un auténtico espazo común en materia de xestión de emerxencias.
Ademais das emerxencias, Galicia e o norte de Portugal tamén teñen colaborado noutros moitos casos, especialmente no ámbito económico; como, por exemplo, os Job Days, os cónclaves entre empresas de sectores estratéxicos como o téxtil; ou a creación dunha rede de incubadoras de empresas da Eurorrexión, na que se está a traballar actualmente.
No ámbito cultural destacan iniciativas en materia de turismo a favor do Camiño de Santiago; e no educativo o proxecto central é o Programa de cooperación interuniversitaria ‘Iacobus’, que este ano vai subvencionar máis de 350 estanzas nas universidades dun e outro lado da fronteira e preto de 40 no ámbito da FP, que nesta edición se incorpora ao programa.
Un punto de inflexión para a cooperación transfronteiriza
Pola súa banda, Rueda explicou que pese a este amplo “camiño andado”, estamos ante un punto de inflexión que vai permitir mesmo acelerar a velocidade da cooperación galaico-portuguesa: o arranque efectivo do novo período orzamentario da Unión Europea, ata 2020.
Para estar preparados, o Goberno galego ten practicamente ultimada a Estratexia de Especialización Intelixente da Eurorrexión, a primeira deste tipo a nivel transfronteirizo. Unha auténtica folla de ruta pola que discorrerán os investimentos nesta zona nos próximos seis anos e que sitúa de novo a Galicia á vangarda da colaboración transfronteiriza en toda a UE.
Esta estratexia resulta fundamental precisamente neste momento crucial, xa que tamén se empeza a implementar o novo POCTEP para o período 14-20. No anterior período a Eurorrexión desenvolveu 73 proxectos por un importe de case 150 millóns de euros; agora, de cara ao novo escenario o obxectivo é aumentar esta cifra e chegar ata os 160 millóns de euros mobilizados en proxectos compartidos entre Galicia e o norte de Portugal, o que suporía lograr o 40 por cento do importe total do POCTEP para toda a península.
O número dous da Xunta mostrouse convencido de poder acadar este obxectivo e mellorar así o ritmo da cooperación transfronteiriza dos últimos anos. “Aválannos a nosa experiencia en cooperación transfronteiriza e a nosa boa xestión dos fondos, recoñecida pola propia Unión Europea”, concluíu Rueda.
Rueda fixo estas declaracións despois dunha nova reunión do proxecto de emerxencias transfronteirizo, Ariem 112, no que tamén participou o presidente da Comissão de Coordenação e Desenvolvimento Regional do Norte (CCDR-N), Emídio Gomes.
Ambos destacaron a modélica cooperación transfronteiriza entre Galicia e a rexión norte de Portugal, que se ten convertido nun referente a nivel europeo e que ano tras ano reverte no beneficio dos cidadáns de ambos os dous lados da fronteira.
Precisamente, Gomes aproveitou o encontro para facer un balance da situación da cooperación entre Galicia e o norte de Portugal , con abundantes proxectos conxuntos con aplicación práctica na realidade e na sociedade galega e portuguesa. É o caso do Ariem 112, un proxecto para compartir os recursos de emerxencias e crear un auténtico espazo común en materia de xestión de emerxencias.
Ademais das emerxencias, Galicia e o norte de Portugal tamén teñen colaborado noutros moitos casos, especialmente no ámbito económico; como, por exemplo, os Job Days, os cónclaves entre empresas de sectores estratéxicos como o téxtil; ou a creación dunha rede de incubadoras de empresas da Eurorrexión, na que se está a traballar actualmente.
No ámbito cultural destacan iniciativas en materia de turismo a favor do Camiño de Santiago; e no educativo o proxecto central é o Programa de cooperación interuniversitaria ‘Iacobus’, que este ano vai subvencionar máis de 350 estanzas nas universidades dun e outro lado da fronteira e preto de 40 no ámbito da FP, que nesta edición se incorpora ao programa.
Un punto de inflexión para a cooperación transfronteiriza
Pola súa banda, Rueda explicou que pese a este amplo “camiño andado”, estamos ante un punto de inflexión que vai permitir mesmo acelerar a velocidade da cooperación galaico-portuguesa: o arranque efectivo do novo período orzamentario da Unión Europea, ata 2020.
Para estar preparados, o Goberno galego ten practicamente ultimada a Estratexia de Especialización Intelixente da Eurorrexión, a primeira deste tipo a nivel transfronteirizo. Unha auténtica folla de ruta pola que discorrerán os investimentos nesta zona nos próximos seis anos e que sitúa de novo a Galicia á vangarda da colaboración transfronteiriza en toda a UE.
Esta estratexia resulta fundamental precisamente neste momento crucial, xa que tamén se empeza a implementar o novo POCTEP para o período 14-20. No anterior período a Eurorrexión desenvolveu 73 proxectos por un importe de case 150 millóns de euros; agora, de cara ao novo escenario o obxectivo é aumentar esta cifra e chegar ata os 160 millóns de euros mobilizados en proxectos compartidos entre Galicia e o norte de Portugal, o que suporía lograr o 40 por cento do importe total do POCTEP para toda a península.
O número dous da Xunta mostrouse convencido de poder acadar este obxectivo e mellorar así o ritmo da cooperación transfronteiriza dos últimos anos. “Aválannos a nosa experiencia en cooperación transfronteiriza e a nosa boa xestión dos fondos, recoñecida pola propia Unión Europea”, concluíu Rueda.
Gabinete de Comunicación da Xunta de Galicia