A UVigo participa nun proxecto para desenvolver sensores fotónicos de próxima xeración
O proxecto, que arrancou o pasado mes de decembro e durará catro anos, conta cun orzamento de 6,2 millóns de euros e está coordinado polo centro tecnolóxico AIMEN. O obxectivo é desenvolver un concepto novidoso de tecnoloxía LiDAR baseado en PIC altamente escalable, desenvolver xeradores de imaxes espectrais instantáneas para sistemas sensoriais rendibles e de alta resolución, establecer técnicas de software innovadoras e servizos para o despregue dunha plataforma de detección baseada en aplicacións fiables e precisas, e apoiar o liderado tecnolóxico do ecosistema fotónico da UE impulsando o crecemento en industrias estratéxicas.
Solucións baseadas na tecnoloxía LiDAR
Francisco Díaz Otero, investigador de atlanTTic e líder do proxecto na UVigo, destaca que Retina desenvolverá os seguintes xeradores de imaxes, un sistema LiDAR fotónico integrado nun chip para capturar imaxes en 3D e sensores de imaxes baseados en Quantum-Dots para aumentar o rango espectral e a sensibilidade á luz.
No marco deste proxecto crearanse dous tipos de sensores distintos desta tecnoloxía que demostrarán as vantaxes da fotónica fronte aos sistemas tradicionais, nos que os circuítos electrónicos onde se representa a información se procesan mediante sinais eléctricas a diferenza dos sistemas fotónicos, onde se emprega a luz e son capaces de transmitir e procesar a información dun xeito máis rápido.
“LiDAR é unha tecnoloxía que utiliza luz para detectar/mapear as dimensións de obxectos en 3D. Ao aplicar a fotónica aos sistemas LiDAR, permítenos reducir o tamaño do sistema LiDAR para que caiba nun só chip. Ademais, podemos lograr moitos outros beneficios, como maior resolución espacial, menor consumo de enerxía, detección de obxectos en movemento ademais de obxectos estacionarios e supresión do ruído de fondo (luz)”, explica Francisco Díaz.
Rol estratéxico do QOPHI Lab de atlanTTic
O traballo que levará a cabo do equipo do laboratorio QOPHI (Quantum, Communication, Photonics & Integration) de atlanTTic, do que forman parte Francisco Díaz, director do laboratorio, Francisco Soares, David Álvarez e Miguel Carbonell Valin, permitirá establecer sinerxías coa coordinación do proxecto e co resto de socios participantes a nivel internacional.
Nesta liña, desde o laboratorio sinalan que en Retina “demostrarase que a través da colaboración directa entre desenvolvedores e fabricantes de solucións fotónicas, persoal experto en procesado de datos, intelixencia artificial e líderes de sectores estratéxicos, pódese dirixir o desenvolvemento áxil de sistemas sensoriais personalizados e o seu despregamento e validación en contornas operativas que abarquen solucións de hardware e software. Ademais, mostrarase o potencial de adaptabilidade, escalabilidade e transferencia destas solucións baseadas na fotónica ao abordar unha serie de necesidades industriais de maneira eficiente e rendible”.
Socios de sete países
O consorcio está composto por socios académicos, pequenas e medianas empresas e grandes actores clave de sete países da Unión Europea: catro RTO (a Asociación de Investigación Metalúrgica do Noroeste en España; o IMEC en Bélxica; a Universidade de Vigo e o Instituto Fraunhofer Heinrich-Hertz, en Alemaña); unha grande empresa (Quest Medical Imaging B.V, nos Países Baixos), cinco pemes (Photonfocus AG de la Suissa, Aeromedia Uav SL e Abraia Software SL de España, Xenomatix de Bélxica, e Tematys de Francia), dúas asociacións empresariais (a Associação para o Desenvolvimento da Viticultura Duriense de Portugal, e o European Photonics Industry Consortium de Bélxica) e un hospital (o Leiden University Medical Center, dos Países Baixos).
Solucións baseadas na tecnoloxía LiDAR
Francisco Díaz Otero, investigador de atlanTTic e líder do proxecto na UVigo, destaca que Retina desenvolverá os seguintes xeradores de imaxes, un sistema LiDAR fotónico integrado nun chip para capturar imaxes en 3D e sensores de imaxes baseados en Quantum-Dots para aumentar o rango espectral e a sensibilidade á luz.
No marco deste proxecto crearanse dous tipos de sensores distintos desta tecnoloxía que demostrarán as vantaxes da fotónica fronte aos sistemas tradicionais, nos que os circuítos electrónicos onde se representa a información se procesan mediante sinais eléctricas a diferenza dos sistemas fotónicos, onde se emprega a luz e son capaces de transmitir e procesar a información dun xeito máis rápido.
“LiDAR é unha tecnoloxía que utiliza luz para detectar/mapear as dimensións de obxectos en 3D. Ao aplicar a fotónica aos sistemas LiDAR, permítenos reducir o tamaño do sistema LiDAR para que caiba nun só chip. Ademais, podemos lograr moitos outros beneficios, como maior resolución espacial, menor consumo de enerxía, detección de obxectos en movemento ademais de obxectos estacionarios e supresión do ruído de fondo (luz)”, explica Francisco Díaz.
Rol estratéxico do QOPHI Lab de atlanTTic
O traballo que levará a cabo do equipo do laboratorio QOPHI (Quantum, Communication, Photonics & Integration) de atlanTTic, do que forman parte Francisco Díaz, director do laboratorio, Francisco Soares, David Álvarez e Miguel Carbonell Valin, permitirá establecer sinerxías coa coordinación do proxecto e co resto de socios participantes a nivel internacional.
Nesta liña, desde o laboratorio sinalan que en Retina “demostrarase que a través da colaboración directa entre desenvolvedores e fabricantes de solucións fotónicas, persoal experto en procesado de datos, intelixencia artificial e líderes de sectores estratéxicos, pódese dirixir o desenvolvemento áxil de sistemas sensoriais personalizados e o seu despregamento e validación en contornas operativas que abarquen solucións de hardware e software. Ademais, mostrarase o potencial de adaptabilidade, escalabilidade e transferencia destas solucións baseadas na fotónica ao abordar unha serie de necesidades industriais de maneira eficiente e rendible”.
Socios de sete países
O consorcio está composto por socios académicos, pequenas e medianas empresas e grandes actores clave de sete países da Unión Europea: catro RTO (a Asociación de Investigación Metalúrgica do Noroeste en España; o IMEC en Bélxica; a Universidade de Vigo e o Instituto Fraunhofer Heinrich-Hertz, en Alemaña); unha grande empresa (Quest Medical Imaging B.V, nos Países Baixos), cinco pemes (Photonfocus AG de la Suissa, Aeromedia Uav SL e Abraia Software SL de España, Xenomatix de Bélxica, e Tematys de Francia), dúas asociacións empresariais (a Associação para o Desenvolvimento da Viticultura Duriense de Portugal, e o European Photonics Industry Consortium de Bélxica) e un hospital (o Leiden University Medical Center, dos Países Baixos).
Universidade de Vigo