Galicia solicita ao Goberno corrixir o rumbo na repartición e xestión dos Fondos Europeos

Por iso, Conde considera que o Goberno central debe darse de conta de que os fondos son da cidadanía, á que se lle debe axilidade, transparencia e xustiza; que as autonomías non son encomendas do Goberno; e que as empresas e os autónomos non son o inimigo.

Neste sentido Galicia está facendo os deberes, coa elaboración dunha candidatura froito da colaboración público-privada na que destacan o Polo para a Transformación de Galicia -con iniciativas como a fábrica de fibras téxtiles, o centro de economía circular ou a planta de hidróxeno verde-. Tamén co traballo ao redor de iniciativas sólidas de cara aos diferentes Pertes: co proxecto AutoÁncora no eido da automoción; co polo biotecnolóxico para a produción e envasado de vacinas de Zendal no Perte de saúde de vangarda; con proxectos de Estrella Galicia, Cafés Candelas, Jealsa ou Profand no agroalimentario; ou con importantes medidas en materia de enerxías renovables para impulsar unha Galicia máis verde.