Español
Galego
Notas
-
Na procura de predicir o patrón de expansión que pode chegar a ter a avespa asiática, un equipo da USC desenvolveu a plataforma ‘VeluMap’ para a predición da distribución, tanto espacial como temporal, deste insecto. Coñecer en tempo real onde se localiza a avespa velutina e poder cruzar estes datos coas características ambientais actuais desas localizacións permite mellorar o coñecemento da especie. -
A Xunta incrementará nun 23,6%, ata os 8 millóns de euros, as axudas para os contratos programa aos centros tecnolóxicos de Galicia para apoiar os seus proxectos de I+D+i e, así, poder converter Galicia nunha potencia científico-técnica. Así o avanzou hoxe o conselleiro de Economía, Emprego e Industria, Francisco Conde, nunha reunión que mantivo co presidente de Atiga. -
O 85,6% dos fogares galegos ten un servizo de internet contratado, segundo se recolle no estudo “A Sociedade da Información nos fogares galegos 2018”. Esta porcentaxe supón un incremento dun 20% respecto ao ano 2015, o dobre que o rexistrado no conxunto do Estado no mesmo período de tempo. A convivencia con nenos eleva, considerablemente, a porcentaxe de contratación de internet. O 99% dos fogares con nenos en idade escolar teñen internet contratado mentres que nos fogares sen nenos a porcentaxe descende ata o 81,4%. -
Afundación e ABANCA presentaron, en colaboración co Instituto de Estudos e Desenvolvemento de Galicia (IDEGA) da Universidade de Santiago de Compostela e o Centro de Investigacións ABANCA de IESIDE, na Sede Afundación de Santiago de Compostela, 'A Economía Galega. Informe 2018'. Este estudo socioeconómico de referencia, que se vén publicando desde 1986, preséntase nesta ocasión tanto a súa versión extensa online como a máis dinámica do resumo executivo en papel. -
A iniciativa, coa que cada mes ata novembro teñen lugar unhas xornadas dedicadas a diferentes produtos da provincia, ten o apoio de diferentes entidades gastronómicas, e conta coa participación de 50 establecementos de toda a provincia. O obxectivo é que tanto visitantes como residentes teñan a oportunidade de gozar da boa materia prima da provincia, elaborada e servida por excelentes profesionais. -
O grupo do profesor Jesús Requena, xunto con investigadores da Universidade de Trento (Italia) acaba de presentar un modelo computacional que revela os mecanismos da replicación dos prións, os axentes responsables das enfermidades das ‘vacas tolas’ e os ‘cervos zombis’. O estudo representa un importante avance no coñecemento destes enigmáticos patóxenos que tamén afectan aos seres humanos. -
O Clúster Transfronteirizo Biotecnolóxico (CT-Bio) acaba de presentar na Zona Franca de Vigo un novo Hub biotecnolóxico, que se une así á Rede CTBio-Labs para o impulso do sector biotech e que xa conta con instalacións na USC, na Universidade do Minho e no Laboratorio Internacional de Nanotecnoloxía de Braga. O CT-Bio vai servir de apoio para detectar e madurar proxectos de cara á súa presentación na candidatura da Bioincubadora. -
O Centro de Estudos Eurorrexionais Galicia Norte de Portugal (CEER) coordina o proxecto Atlantic-POSitiVE (Conservation of Atlantic Pollination services and control of the invasive species vespa velutina), unha iniciativa na que colabora a USC e que está considerada como o maior proxecto de investigación posto en marcha en Europa para frear a avespa asiática, cun orzamento de máis de 2,3 millóns de euros e a implicación de dez institucións de España, Portugal, Francia, Irlanda e Reino Unido. -
O Centro singular de Investigación en Tecnoloxía Intelixentes (CiTIUS) reforzará a súa estreita relación con empresas e administracións o vindeiro día 12 de xullo coa quinta edición da Xornada de Demostración Tecnolóxica Inside the lab. O evento repite un ano máis como encontro de referencia perante os distintos axentes do tecido socioeconómico, co propósito de amosar aos representantes de organizacións públicas e privadas as oportunidades que presentan os resultados de investigación máis recentes do centro. -
Con este Encontro, que se celebrará o 28 de xuño no CIS Tecnoloxía e Deseño, búscase seguir abrindo canles de contacto e colaboración entre os profesionais do deseño e as empresas galegas, especialmente as pemes. Está dirixido a profesionais, empresas, entidades de innovación e estudantes de Tecnoloxía e Deseño.
