Español
Galego
Notas
-
O Centro de Investigación en Tecnoloxías da Información e as Comunicacións da Universidade da Coruña acolleu a presentación do proxecto Atendis-VR, unha innovadora iniciativa de realidade virtual desenvolvida durante o último ano e orientada á estimulación cognitiva de persoas maiores e persoas con discapacidade intelectual. -
O Salón de Actos Concepción Arenal do Campus Industrial de Ferrol da UDC acolle, o vindeiro luns 14 de outubro, a primeira das conferencias do Ciclo 'Auto-Sinerx-IA. A Automática e a Intelixencia Artificial como Ferramentas para os Desafíos da Industria e da Sociedade', que organiza un grupo de profesores e profesoras do Departamento de Enxeñaría Industrial vinculados á Escola Politécnica de Enxeñaría de Ferrol. -
A primeira edición do Congreso Ibérico da Mocidade Investigadora do Campus Terra superou a barreira do centenar de persoas inscritas. Do 14 ao 16 de outubro, Lugo converterase en capital da investigación e a divulgación científica grazas a un amplo e diverso programa integrado por especialistas dunha ducia de institucións, entre universidades e centros de investigación. -
O director xeral de Planificación Enerxética e Minas da Xunta de Galicia, Pablo Fernández Vila, foi o encargado de inaugurar este venres no campus de Vigo a V edición do seminario SPERTUS, a Plataforma Ibérica de Transición Enerxética e Competitividade Industrial, un encontro de 70 especialistas dirixido a analizar os retos tecnolóxicos, industriais e sociais do cambio de modelo enerxético. -
A Universidade da Coruña e a Fundación Princesa de Girona celebrarán o vindeiro luns, día 7 de outubro, a xornada 'Talento novo e impacto profesional na IA', que se enmarca dentro do programa 'Xeración Talento' e que servirá tamén para explicar en detalle esta iniciativa. O evento, que comezará ás 10:00 horas no edificio da Reirotía da UDC, contará cunha conferencia de apertura a cargo de Nacho Belda, director xeral da Axencia Española de Supervisión da Intelixencia Artificial (AESIA), baixo o título 'AI que poñer límites?' -
A oferta de formación do Centro de Posgrao e Formación Permanente da UVigo amplíase cunha nova convocatoria de títulos propios de capacitación dixital no sector do transporte, mobilidade e loxística, con acceso gratuíto para toda a cidadanía. Con inscricións xa abertas, ao longo deste curso impartiranse cinco os títulos, totalmente de balde. -
Un equipo de investigación de atlanTTic acaba de presentar, no marco dunha xornada organizada por Afaga, os resultados do proxecto Sapiens (Services & Applications for Healthy Ageing), unha iniciativa que tiña como obxectivo o deseño de ferramentas para a detección do deterioro cognitivo e a depresión mediante altofalantes intelixentes adestrados con intelixencia artificial. -
A Real Academia Galega de Ciencias e a Universidad Intercontinental de la Empresa crearon os Premios RAGC-UIE para investigadoras e investigadores xoves, co obxectivo de impulsar a investigación científica en Galicia e dar recoñecemento e potenciar as traxectorias de investigadoras e investigadores novos que desenvolven a súa carreira en centros galegos. -
As comunidades mariñas están a experimentar cambios significativos baixo a influencia de diversos factores, como o cambio climático, a extracción de recursos naturais, a contaminación, a degradación do hábitat e as especies invasoras, o que dá especial relevancia a iniciativas como a Rede Europea de Observación da Biodiversidade Mariña Ómica, EMO BON, un marco de observación da biodiversidade para Europa. -
O Centro Interdisciplinar de Química e Bioloxía (CICA) da Universidade da Coruña coordinará durante os vindeiros catro anos o proxecto europeo DRYAD, consistente na demostración e modelización de solucións baseadas na natureza (SBN) para mellorar a resiliencia dos ecosistemas e paisaxes agrosilvopastorís mediterráneos, co obxectivo promover as prácticas sostibles e resilientes ao clima e facilitar plans rexionais de adaptación.
